Свештеникот од Кочани, Димитар Арсовски објави детали за утрешниот погреб на настраданите во дискотеката на смртта.
– Почитувани и ожалостени верници, погребот на нашите најмили ќе се изврши утре со почеток во 12.00 часот на кој ќе чинонаначaлствува Неговото Блаженство Архиепископот Охридски и Македонски г. г. Стефан во сослужение со повеќе архиереи од МПЦ-OA. Верниот народ кој сака да оддаде почит на дечињата можат да го направат тоа после 11.30 часот. Ве замолуваме за достоинствено и христијанско однесување. Родителите на трагично упокоените дечиња ќе бидат телефонски известени за деталите, информира тој.
