Подгответе се – доаѓаат сончеви денови, но утрата ќе ве изненадат со студ

  Во следниот период Македонија ќе ужива во сончево време, но граѓаните треба да бидат подготвени на посвежи утра и постепен раст на дневните температури, најавуваат од Управата за хидрометеоролошки работи. Утре се очекува умерен до засилен северен ветер, кој локално ќе достигне брзина и над 60 километри на час. Минималните температури ќе се движат од 3 до 15 степени, додека максималните ќе растат меѓу 19 и 28 степени. Во Скопје утринските часови ќе донесат свежина со само 11 степени, но преку ден температурата ќе се искачи до пријатни 26 степени.