Интензивно продолжуваат градежните активности за асфалтирање и реконструкција на улиците во Општина Бутел, информира градоначалникот Дарко Костовски. Според објавата, веќе се целосно реконструирани две улици во населбата Радишани, додека на првиот крак од улицата Боро Менков е поставен завршниот слој асфалт.
Од општината најавуваат дека наскоро ќе продолжи реконструкцијата и асфалтирањето и на останатите улици кои се опфатени со градежната офанзива, која се реализира со силна динамика и на повеќе локации.
Во рамки на програмата, планирано е да се асфалтираат и реконструираат вкупно 70 улици, со инвестиција од 150.000.000 денари. Од Општина Бутел посочуваат дека целта е надминување на постоечките проблеми и обезбедување еднаков и рамномерен развој во сите населени места.
