Поранешниот в.д. претседател на Советот за унапредување и надзор на ревизијата, Ване Цветанов, се соочува со обвинение за злоупотреба на службена положба. Обвинителството го товари дека во периодот 2021 – март 2022, трошел јавни пари без покритие, склучувал договори без одобрение и ангажирал блиски лица без согласност од Советот.
Обвинението открива дека Цветанов потрошил над 1 милион денари на ресторански услуги, сместување, пијалаци и тоалетни производи. Дополнително, се исплатени речиси 300.000 денари за непостоечки конференциски услуги, 317.000 за такси и рента-коли, како и над 700.000 денари за хотелски услуги, патувања и пенали.
И покрај тоа што немало потреба, институцијата платила 295.000 денари за обука од правно лице. Најконтроверзниот дел е ангажманот на неговата невенчана сопруга како „специјален советник“ преку три договори, со платени патувања и дневници.
Цветанов склучил 18 договори со физички лица без одлука од Советот, со што потрошил речиси 2 милиони денари за различни консултантски и интелектуални услуги. Истовремено, ангажирал фирма за софтверски услуги иако веќе имало постоечки договор со друга фирма.
Обвинителството го товари дека со овие дејствија нанел сериозна финансиска штета на државниот буџет и го прекршил Законот за ревизија, Законот за јавни набавки и другите правни регулативи.
Ask ChatGPT
