По разорното невреме што ја погоди Љубојно и околината на Ресен во неделата (17 август), при што беа поплавени улици и оштетени куќи, денес (понеделник, 18 август) нашата земја повторно влегува под влијание на опасна временска нестабилност.
Македонија ќе биде зафатена од влажна и нестабилна воздушна маса поврзана со атмосферски фронт кој пристигнува од север, носејќи со себе поладен воздух на висина.
Какво време не очекува денес? Времето ќе биде променливо облачно и нестабилно, со повремени поројни дождови, грмежи и засилен ветер низ повеќето делови на државата. Локално, се очекуваат интензивни атмосферски процеси со опасност од:
- Обилен пороен дожд
- Силен ветер
- Електрични празнења (громови)
- Појава на град
И Скопје нема да биде поштедено. Во главниот град и околината денес се предвидува нестабилно време, со пороен дожд, грмежи и засилен ветер. Во некои делови од котлината постојат услови за локализирано невреме проследено со силен ветер и потенцијален град.
Температури денес:
- Во земјата: од 25 до 34°C
- Во Скопје: до 32°C
Важни препораки до граѓаните: Поради сериозната нестабилност во атмосферата, се апелира до сите граѓани:
- Да не се задржуваат на отворени простори за време на грмежи.
- Да избегнуваат престој под осамени дрвја.
- Да не ги паркираат возилата во близина на стари или незаштитени дрвја, особено при силен ветер.
