HPV, односно хуманиот папилома вирус, претставува една од најчестите сексуално преносливи инфекции. Постојат голем број различни типови на HPV, а повеќето инфекции поминуваат спонтано, без да предизвикаат здравствени проблеми.
Сепак, одредени типови на HPV можат да предизвикаат промени на клетките на грлото на матката, поради што редовното следење и превентивните прегледи имаат значајна улога во грижата за женското здравје.
Токму затоа е важно жените да бидат информирани за HPV и да се консултираат со својот гинеколог за тоа кој тест е соодветен за нив, како и во кој интервал треба да се прави скрининг.
Во рамки на октомврискиот Месец на женското здравје, Клиничката болница „Жан Митрев“ овозможува детекција на HPV по промотивна цена од 3.000 денари.
Превентивните прегледи и навременото следење се важен дел од одговорниот пристап кон сопственото здравје, а изборот на тест и динамиката на контролите треба да бидат направени во консултација со гинеколог.
Сите октомвриски промоции на Клиничката болница „Жан Митрев“ се дел од активностите посветени на женското здравје.
