Во подрум од куќа во Штип била откриена неексплодирана минофрлачка граната, информираат од МВР.
Според полицијата, на 27.04.2026 во 09:20 часот во СВР Штип, В.А. (43) пријавил дека во подрумскиот дел од неговиот дом пронашол неактивирана експлозивна направа.
На местото излегол пиротехничар од Дирекцијата за заштита и спасување, кој безбедно ја подигнал гранатата и утврдил дека станува збор за неексплодирана минофрлачка граната калибар 82 милиметри, која потекнува од Првата светска војна.
Извршен бил увид, а надлежните служби презеле мерки за безбедно отстранување на опасната направа.
