Министерството за дигитална трансформација информира дека повторно е достапен системот за онлајн закажување термин за издавање лични документи преку националниот портал за е-услуги uslugi.gov.mk.
Од сега граѓаните можат:
- Да закажат термин за нова лична карта
- Да аплицираат за нов пасош
- Да поднесат барање за возачка дозвола
Сè што ви треба е мобилен телефон, компјутер или таблет и неколку минути слободно време. Нема потреба од гужви, чекање пред шалтери или долги редици.
Ова е дел од заложбата на државата за поефикасна и поедноставена јавна администрација. Со дигитализацијата, услугите стануваат подостапни за сите граѓани, без оглед каде се наоѓаат.
Закажи си термин уште денес на uslugi.gov.mk и заборави на чекањето!
