Вчеравечер во штипската населба Сењак се случи драматична сообраќајна незгода во која учествуваа две лица на мопед, откако се обиделе да избегнат полициска контрола.
Според првичните информации, мопедистите не застанале на знак од полицијата, по што се дале во бегство низ улиците на Сењак. Но, во обид да избегаат, изгубиле контрола врз мопедот и се судриле со патничко возило.
На местото на несреќата веднаш пристигнале полициски екипи, кои спровеле увид и собирале докази за целосно расчистување на случајот, пренесува ТВ Стар.
Засега нема официјална потврда за евентуални повредени лица, но истрагата продолжува за да се утврдат сите околности под кои се случил овој инцидент.
