Неколку дена пред да се појави контроверзното видео на докторот Игор Кузмановски од Клиниката за неврологија, во кое се гледа како тој меша бела прашкаста супстанција и зборува за нејзиниот квалитет, 54-годишна жена го пријавила во полициска станица Карпош во Скопје.
Жената тврди дека од септември, докторот ѝ упатувал заканувачки пораки по телефон. Министерството за внатрешни работи за „Слободен печат“ потврди дека пријавата е примена и дека ќе следува поднесок против Кузмановски.
