Американскиот претседател Доналд Трамп, по средбата со украинскиот лидер Володимир Зеленски, упати изненадувачка и вулгарна порака кон венецуелскиот претседател Николас Мадуро. На прашање за повикот на Мадуро за „мир и нов почеток“ во односите со Вашингтон, Трамп изјави: „Понуди сè. Да, во право сте. Знаете зошто? Затоа што не сака да се заеава со нас“, предизвикувајќи реакции и насмевки во салата.
Изјавата следува по овластувањето на ЦИА за спроведување тајни операции во Венецуела, насочени кон ограничување на шверцот на нафта и оружје и поткопување на влијанието на руски и ирански структури во земјата. Новата политика на Трамп ја заострува реториката на САД кон режимот на Мадуро, кој веќе е под западни санкции.
