Здравко Чолиќ, еден од најголемите музички ѕвезди на Балканот, ретко зборува за приватниот живот, но неодамна ја изненади јавноста со отворена изјава за своите ќерки Уна и Лара.
Во едно интервју, тој призна дека иако сам не бил многу дисциплиниран, кога станува збор за неговите деца, има конкретни очекувања:
„Имам две ќерки кои се разгалени. Секако… Па и јас би бил разгален да бев на нивно место. Повторно, би очекувал повеќе од нив, знаете…“ – изјави Чолиќ.
Тој откри и дека улогата на построг родител во семејството ја има неговата сопруга Александра:
„Сопругата Александра е таа што е попосветена на воспитувањето на нашите деца, јас сум многу поблаг. Но, без оглед на тоа, се трудам да се осигурам дека образованието нема да страда, како и традиционалните вредности на кои почива моето семејство.“
Пејачот проговори и за односот со постарата ќерка Уна, која е активна на социјалните мрежи:
„Уна само слика нешто. Ја казнувам, не ми се допаѓа, но не можам да ѝ забранам. Таква е… сака да фотографира, комуницира со луѓе. Сосема е поинаку отколку што беше порано. Порано мораше да ангажираш фотограф или да чекаш да се развијат сликите…“
Со овие зборови, Чолиќ отворено проговори за предизвиците на родителството во модерно време, но и за својата желба неговите деца да пораснат во здрави, самосвесни и вредни личности.
