Најгледаната снимка на социјалната мрежа TikTok му припаѓа на Зак Кинг, американски режисер и илузионист, и досега собра над 2,4 милијарди прегледи. Видео-то е инспирирано од светот на Хари Потер и претставува магична илузија што ја воодушеви глобалната публика.
Снимката беше објавена во декември 2019 година, а речиси шест години подоцна сè уште ја држи титулата за најгледана на платформата. Зак во описот на видеото напиша: „Ја одбија мојата апликација во Хогвортс, но јас сепак најдов начин да бидам волшебник.“
Зак Кинг моментално има 84,1 милиони следбеници на TikTok и еден импресивен број од 894,4 милиони лајкови на сите свои видеа. Само оваа Хари Потер илузија има 27 милиони лајкови и над 720 илјади коментари, што ја прави една од најпопуларните содржини во историјата на TikTok.
Фановите го опишуваат видеото како „магично“ и „невозможно за изведување“, а Зак Кинг продолжува да ја користи својата креативност и илузионистички талент за да создава содржини кои ги рушат рекордите на социјалните мрежи.
