Емилија Кларк, актерката која светот ја запозна како непокорната Даенерис Таргариен во хит-серијата „Игра на тронови“, откри неочекуван и болен детаљ од својата актерска кариера. За време на снимање на нов телевизиски проект, таа доживеала сериозна повреда – и тоа додека работела на интензивна интимна сцена.
Како што пренесуваат странските медиуми, Кларк учествувала во секс-сцена во која биле вклучени уште тројца актери, а во текот на снимањето скршила ребро. Инцидентот се случил надвор од сетот на „Игра на тронови“, но доволно бил сериозен за актерката да мора да побара лекарска помош.
И покрај болката и непријатноста, Кларк изјавила дека снимањето продолжило, но со далеку поголемо внимание и дополнителни безбедносни мерки. Таа нагласила дека повредата, за среќа, не оставила трајни последици, но искуството ѝ било силен потсетник колку физички и психички напорни можат да бидат ваквите сцени.
Актерката истакна дека интимните сцени не се „гламурозни“ како што изгледаат на екран и дека бараат строга координација, јасни правила и меѓусебна доверба меѓу актерите и продукцијата.
Нејзиното признание повторно ја отвори дебатата за безбедноста на актерите и улогата на интимните координатори на снимањата – тема која сè почесто доаѓа во фокусот на Холивуд.
