Јарец е десеттиот знак на хороскопот, а како и симболот на нивниот знак, јарецот е секогаш спремен да се искачува повисоко до целта. Тие се сигурни во себе, никогаш не потклекнуваат и знаат кон што се стремат.
Себеси се ставаат на висока и недостижна позиција, бидејќи сакаат да ги гледаат нештата од сигурно место. Лицата од овој знак имаат прецизни цели за кои се спремни да работат долго и напорно. Нивната самодисциплина им овозможува успех во она што го прават.
Едно од најбитни нешта за јарецот е постигнатата цел, а врвот е нивниот лимит. Исто така, битно им е да поседуваат вештини во кои ќе бидат подобри од другите. Тие се вредни работни кои не ги плаши напорната работа, бидејќи знаат дека тоа ќе ги донесе до врвот, а нивната амбициозност, решителност и став со кој се решени да одат до крај им го олеснува патот до таму. Животот е еден голем проект за овие луѓе, а се прилагодуваат на него со помош на деловен пристап кон се што прават, со практичност, реалност и прагматичност. Ваквата посветеност кон своите цели често оди до точка на тврдоглавост. Уживаат во победи, сакаат нивните квалитети да бидат препознаени од другите, како и да се во центарот на случувањата. Јарците како животни секогаш сакаат да се искачат на врвот на планината, каде што воздухот е чист и свеж. На ист начин, оние родени во знакот на Јарец сакаат да стигнат до врвот во своето поле, така што ќе можат да ги користат придобивките на успехот и славата, престижот и парите. Овие луѓе можат навистина да се однесуваат надмоќно, понекогаш дури и егоистично, на нивниот пат кон врвот.
Јарците се ефикасни и организирани и не креваат голема прашина околу работите. Тие се коректни со детали и имаат прилично конвенционални ставови во бизнисот и воопшто во животот. Овие луѓе се чувствуваат најдобро кога играат безбедно, бидејќи тоа е најсигурниот начин да се стигне до врвот.
Јарците имаат тенденција да бидат доста зрели и целосно се благословени со здрав разум, два квалитети кои им помагаат нивните потфати во животот да бидат успешни. Нивната амбиција е безгранична, но сепак тие се претпазливи, одговорни и секогаш играат фер. Затоа нивните успеси се се поголеми и побројни.
Елемент: Земја
Група: Теоретска
Поларитет: Негативен
Омилена боја: Кафеава
Владејачка планета: Сатурн
Куќа на владеење: Десетта
Спротивен знак: Рак
Среќен камен: Оникс
Период: 22 декември-19 јануари
Силни страни: Одговорни, добри менаџери, дисциплинирани, поседуваат самоконтрола, црна смисла за хумор.
Слабости: Мислат дека знаат се, опростуваат тешко, полни се со презир, го очекуваат најлошото.
Карактеристични белези: Можат да бидат во топ форма само со малку напор.
Сакаат: Семејство, традиција, квалитет на изработка, музика.
Не сакаат: Речиси се, во најразлична смисла.
Најдобра средина: Позитивни ситуации, урбани средини со културата и стил, секое место каде може да биде на чело.
