Крис Џенер ги привлече сите погледи со нова фотографија од роденденската прослава на нејзината мајка МЈ, но наместо на прославата, најмногу внимание привлече нејзината нога и необичниот изглед на прстите.
За време на прославата на 91-от роденден на МЈ, Крис беше облечена во елегантен фустан од брендот Оскар де ла Рента, кој го надополни со џемпер, златна чанта и сандали со отворени прсти. Токму овие сандали открија можни грешки во Фотошоп, што веднаш предизвика лавина од коментари и потсмев.
„Дали има шест прсти?“, „Зошто гледам дополнителен прст?“, беа некои од најчестите реакции на обожавателите, кои се запрашаа дали тоа е вистина или резултат на уредување на фотографијата.
Ова не е првпат семејството Кардашијан/Џенер да биде критикувано за манипулации со фотографии. Во 2019 година, Ким и Кајли беа обвинети за слични грешки во кампањата за нивниот парфем KKW Fragrance, каде што, според критичарите, на фотографиите се појавувале по шест прсти.
Исто така, во 2021 година, Ким беше критикувана поради уредување на фотографија од својата внука, а потоа и за измени на својата нога на слика промовирана за брендот „Скимс“, што ја натера да ја повлече фотографијата.
Се чини дека за кланот Кардашијан/Џенер, уредувањето на фотографии преку Фотошоп станува речиси правило, а секоја нивна објава подлежи на внимателен преглед и критики од јавноста.
