Лорен Хевнер, професионална пејачка со повеќе од десет години искуство на луксузни крстарења, сподели шокантни доживувања од животот на брод – приказни кои ретко се слушаат. На TikTok и за Mail Online, таа откри детали за панични ситуации, забранети врски, епидемии и дури еден судир со огромно морско суштество.
Според неа, најстрашниот момент во животот се случил кога крстосувачот удрил во кит. Паника, тишина и чувство на вина завладеале со целиот брод – и патници и екипаж. „Сите бевме во шок. Чувството беше како да сме сведоци на нешто што не треба да се случи“, изјави Лорен.
Медицинските итни случаи не биле редок појава – од скршеници до смртоносни срцеви удари, а вистински кошмар настанал за време на епидемијата на норовирус, кога целиот брод бил погоден со симптоми на повраќање и пролив.
Најмрачниот период од нејзината кариера, вели таа, бил Ковид-19. „Живеевме изолирани, преплашени, како во кошмар кој не завршува. Тоа беше пеколно искуство кое го носиш со себе и кога ќе се вратиш на копно“, раскажува таа.
Лорен признава дека и покрај строгите правила, љубовните врски со патници не биле реткост. Таквите врски биле забранети и ризични, но сепак се случувале. Меѓу членовите на екипажот, романтиката била секојдневие – дури и кај оние кои дома ги чекал партнер. Единствената забрана што строго се почитувала: никакви врски помеѓу надредени и подредени.
Лорен денес на социјалните мрежи отворено зборува за сето она што се случува зад затворените врати на луксузните крстосувачи – живот кој многумина го замислуваат како бајка, но ретко кој ја знае и темната страна.
