Ракот на дебелото црево станува се почеста дијагноза, не само кај постарите, туку и кај помладата популација. Болеста често не дава јасни симптоми, но најчестите се болки во стомакот, крвава столица, губење на апетит и тежина без причина, замор, и нарушувања при празнење.
Еден млад Американец, кој на 25 години ја добил оваа дијагноза, одлучил да го сподели своето искуство и предупреди други. Тој смета дека лошата исхрана е главниот виновник за болеста.
Дијагнозата ја добил кога имал 24-25 години, но докторите му рекле дека туморот веќе три години бил присутен. Тој открил дека цело време живеел на брза храна, сендвичи и многу црвено месо.
„Бев премногу мрзелив да готвам и јадев брза храна секој втор ден. Лично ми беше чудно што никогаш не одбив бифтек“, рече тој. Иако не му кажале дека ова е причината, претпоставува дека лошата исхрана била фактор. Во неговото семејство нема историја на рак на дебелото црево, па генетиката не играла улога.
Видеото на ТикТок привлекло голем број реакции. Коментарите изразуваат слични ставови: некои тврдат дека храната игра клучна улога за здравјето, а други се надеваат дека ќе се справи со болеста. Студиите се согласуваат дека брзата храна е поврзана со сериозни здравствени проблеми, а лошата исхрана е еден од главните ризици за рак.
Пораката на овој млад човек стана моќен апел до неговата генерација, која често се одлучува за евтина и лесно достапна храна, што може да има сериозни последици по здравјето.
Погледнете го видеото во продолжение:
