На социјалните мрежи повторно се прошири вирален трик кој тврди дека секој автомобил крие импровизиран отворач за шишиња. Илјадници корисници покажуваат како металниот дел од безбедносниот појас наводно може лесно да го симне металното капаче од шишето, па многумина решија да го испробаат и сами.
Сепак, практичните тестирања покажуваат дека овој метод не функционира кај сите автомобили. Кај голем број модели, отворот на металната штипка од појасот е премногу тесен и не овозможува правилно зафаќање на капачето. Наместо лесно отворање, најчесто доаѓа до виткање на капачето, без шишето воопшто да се отвори. Освен тоа, со погрешно користење постои и ризик од повреда на прстите.
Познавачите велат дека постои многу подобро решение во самиот автомобил. Станува збор за металниот отвор на бравата на вратата, кој кај многу возила има доволно простор и цврста потпора за лесно да го оттурне капачето. Благодарение на неговата конструкција, отворањето е побрзо, полесно и значително посигурно отколку со металниот дел од безбедносниот појас.
Иако ваквите трикови често стануваат хит на интернет, експертите советуваат секогаш да се внимава при нивното испробување. Она што изгледа едноставно во кратките видеа не секогаш функционира во реалноста, а понекогаш може да предизвика оштетување на возилото или непотребни повреди.
