Не сите намирници се безбедни за консумирање во сирова состојба, иако некои како моркови или спанаќ често ги јадеме без термичка обработка. Постојат други – многу почести отколку што мислите – кои, ако не се зготват, можат да предизвикаат сериозни здравствени проблеми, од блага надуеност до тешки труења со бактерии и токсини.
На пример, суровиот компир содржи скроб кој тешко се вари и може да предизвика надуеност. Ако стои на топло, може да развие токсични соединенија опасни за здравјето. Само готвењето ги неутрализира.
Суровите остриги, иако се луксузен оброк, може да бидат загадени со опасни бактерии. Истото важи и за суровото млеко, кое често е легло на ешерихија коли или салмонела – затоа секогаш барајте пастеризирано млеко.
Можеби не сте знаеле, но и суровото брашно носи ризик, особено кога се пробува тесто пред печење. Само високите температури убиваат бактерии што може да се наоѓаат во него.
Меѓу најопасните намирници е суровиот црвен грав, кој содржи токсичен соединение наречено фитохемаглутинин. И само неколку несварени зрна можат да предизвикаат сериозно повраќање и дијареја. Горките бадеми пак, содржат цијановодородна киселина – потенцијално смртоносен отров доколку се внесат во поголеми количини.
Патлиџанот, особено кога е млад и незготвен, има соланин – токсин кој предизвикува проблеми со варењето. Пилешкото месо често е загадено со бактерии кои може да се уништат единствено со готвење. Истото важи и за суровите јајца, кои можат да бидат извор на салмонела – затоа користете пастеризирани ако не се готват.
Исто така, печурките содржат хитин – супстанција што телото тешко ја вари, а термичката обработка не само што ја подобрува сварливоста, туку и го намалува ризикот од стомачни тегоби.
Заклучок: ако сакате да го заштитите вашето здравје, задолжително гответе ги овие намирници. Не се работи само за вкус, туку и за ваша безбедност.
