Милер започнал хуманитарна велосипедска рута долга околу 8.000 километри, која води од Берлин сè до Таџ Махал во Индија.
Целта на неговиот потфат е да ја одбележи годишнината од сопствената победа над болеста, но и да подигне свест и да собере донации за деца кои се соочуваат со истата или слични тешки здравствени состојби.
Она што ја прави оваа иницијатива посебна е тоа што целата кампања е организирана преку дигитална платформа која Милер сам ја изработил, користејќи алатки со вештачка интелигенција, без да пишува код. Преку системот се следат донации, неговата локација и движењето по рутата, како и поддршката од спонзорите.
Тој истакнува дека целта е сите собрани средства да бидат насочени директно кон лекување и поддршка на деца заболени од рак, а велосипедската тура ја гледа како симбол на лична и хуманитарна борба.
Милер го документира својот напредок и искуствата од патувањето преку онлајн платформа, каде што се објавуваат и информации за донации и следење на неговата рута.
