Исплатата на пензиите за август е закажана за 1-ви септември 2025 година, во понеделник, согласно законските одредби. Сепак, одредени банки во Македонија ќе им овозможат на своите клиенти пензионери пристап до парите уште пред официјалниот датум, со што ќе им излезат во пресрет на нивните потреби.
Дополнително, од октомври пензионерите ќе ја добијат и првата пензија со вклучено линеарно покачување од 1.000 денари, без оглед на висината на досегашната пензија. Со ова, повторно нема системско, процентуално зголемување, туку еднакво покачување за сите.
Оваа мерка ќе го засили месечниот буџет на секој пензионер, но истовремено отвора дебата околу праведноста на ваквиот пристап, со оглед на тоа што повисоките и пониските пензии повторно растат по иста основа.
Со овие промени, септември ќе биде значаен месец за пензионерите – најпрво поради исплатата на редовната пензија, а потоа и поради најавеното покачување што ќе стартува со октомвриската исплата.
