Шеесет и двегодишна жена од Штип е тешко повредена откако била удрена од автомобил на улицата „Сремски Фронт“ во Штип, соопшти МВР.
Несреќата се случила на 17 март 2026 година во 12:26 часот, кога патничко возило „Шкода октавија“ со штипски регистарски ознаки, управувано од 63-годишен штипјанец, удрило во пешакот.
Според информациите, повредената М.С. од Штип се здобила со тешки телесни повреди, кои биле констатирани во Клиничката болница во Штип.
На местото на несреќата увид извршила екипа од СВР Штип, а причините за инцидентот се утврдуваат.
