Две лица се тешко повредени во сообраќајна несреќа што се случила вечерва во населбата Вождовац, во Белград.
Според неофицијални информации, станува збор за жена и девојче, за кои дел од медиумите наведуваат дека се мајка и ќерка. Тие, наводно, биле удрени од автомобил.
По несреќата, жената била итно пренесена во Ургентен центар, каде што ѝ се укажува лекарска помош. Девојчето, пак, било префрлено во Тиршова.
Засега нема официјални информации за нивната здравствена состојба, а надлежните служби работат на утврдување на околностите под кои се случила несреќата.
Се очекуваат дополнителни детали по завршување на истрагата.
