Семеен инцидент во Велес завршил со полициска интервенција и приведување на 41-годишна велешанка, осомничена дека физички го нападнала својот татко.
Според информациите од полицискиот билтен, инцидентот се случил вчеравечер во нивниот семеен дом.
Како што е наведено, Ф.А. (41) од Велес физички го нападнала својот 70-годишен татко, по што случајот бил пријавен во полиција.
Полициски службеници интервенирале и околу 19:10 часот ја лишиле од слобода 41-годишната жена.
За настанот бил известен и јавен обвинител, а надлежните служби продолжуваат со преземање мерки за целосно расчистување и документирање на случајот.
По завршувањето на постапката, против велешанката ќе биде поднесена соодветна кривична пријава.
