Според наводите што се споделуваат заедно со видеото, патниците по слетувањето наводно останале затворени во авионот неколку часа. Поради отсуство на соодветна аеродромска опрема, тие на крајот биле приморани самостојно да го напуштат леталото.
Засега не се познати официјални детали за настанот – нема потврда за авиокомпанијата, бројот на летот, ниту за типот на авионот. Надлежните институции и регулаторните тела сè уште не се огласиле, а ниту авиокомпанијата не дала изјава.
Во моментов, сите достапни информации потекнуваат исклучиво од содржини објавени на социјалните мрежи и од ограничен број медиуми кои го пренеле видеото, поради што инцидентот останува непотврден.
