Вчера (13.03.2026) околу 21:00 часот, полициски службеници од Единицата за недозволена трговија при СВР Скопје лишија од слобода Т.Б. (43) од Скопје.
Акцијата следуваше по претходно добиени оперативни сознанија и беше извршен претрес во неговиот дом на подрачјето на општина Аеродром. При претресот беа пронајдени две тегли со кокаин, дигитална вага и дел од наркотичната дрога спакувана во мали паковки, подготвени за малопродажба.
Лицето е лишено од слобода, а по целосно документирање на случајот против него ќе биде поднесена кривична пријава по член 215 од Кривичниот законик – „Неовластено производство и пуштање во промет на наркотични дроги, психотропни супстанции и прекурсори“.
