Необична полноќна драма во Пехчево завршила со две пријави за физички напад, а полицијата презема мерки за целосно расчистување на случајот.
Според полицискиот билтен, 68-годишна жена од Пехчево пријавила дека во периодот од 00:23 до 01:00 часот, додека во својот дом седела и разговарала со 43-годишен маж од истиот град, пристигнала неговата сопруга.
Како што навела пријавителката, жената се однесувала агресивно и физички ја нападнала.
Подоцна, според пријавеното, 43-годишниот маж физички ја нападнал својата 37-годишна сопруга. И таа подоцна во полиција пријавила дека била нападната од својот сопруг.
Од МВР информираат дека се преземаат мерки за целосно расчистување и документирање на настанот.
Засега нема официјални информации за причините што довеле до конфликтот, па наводите за евентуален љубовен триаголник остануваат само шпекулации.
