Бугарски државјанин бил лишен од слобода на Граничниот премин Богородица поради сомнение дека употребил фалсификувана исправа.
Според информациите од полицијата, на 2 октомври 2026 година во 09:50 часот, полициски службеници го лишиле од слобода И.А.И. (58) од Бугарија.
Тој е осомничен за сторено кривично дело „Фалсификување исправа“, предвидено со член 378 од Кривичниот законик.
За случајот бил известен јавен обвинител, по што лицето било предадено во Полициската станица Гевгелија.
Од полицијата информираат дека по целосното документирање на случајот ќе биде поднесена соодветна пријава.
