Драма во скопско село во која 71-годишен маж завршил со повреди во болница, откако бил нападнат од свој сосед, информираат од полицијата.
Инцидентот бил пријавен на 19.06.2026 околу 23:30 часот во СВР Скопје, од страна на С.С. (71) од село Мршевци, кој навел дека бил нападнат неколку часа претходно, околу 18:00 часот, во дворното место на својот дом.
Според пријавата, нападот се случил поради нарушени меѓусоседски односи, а осомничен е неговиот сосед Д.А., кој наводно употребил тврд предмет при физичката пресметка. На повредениот му биле констатирани повреди во ЈЗУ „Св. Наум Охридски“ во Скопје.
По настанот тој побарал лекарска помош и бил згрижен во болницата.
Од МВР информираат дека се преземаат мерки за целосно расчистување на случајот.
