Педесет и четиригодишен жител на тетовското село Џепчиште е приведен на Граничниот премин Јажинце, откако при гранична контрола се однесувал агресивно кон царински службеник.
Според информациите од МВР, на 24 јуни 2026 година во 21:30 часот, на влез во државата, полициски службеници на Граничниот премин Јажинце го лишиле од слобода Б.М. (54) од село Џепчиште, тетовско.
При граничната контрола и извршената проверка, тој покажал агресивно однесување кон царински службеник.
Лицето е задржано во полициска станица, а по целосното документирање на случајот против него ќе биде поднесена соодветна пријава.
