Семејството на Роберт Дрвошанов од Струмица, заедно со полицијата, упати итен јавен апел за помош во неговото пронаоѓање. Триесет и деветгодишниот струмичанец е исчезнат, а загриженоста е уште поголема бидејќи ова е втор случај на негово исчезнување во текот на годинава.
Според информациите од најблиските, Дрвошанов последен пат бил виден облечен во целосно црна облека, по што му се губи секаква трага.
Втор ваков случај годинава
Ова не е првпат семејството да се соочи со ваква ситуација. Во август годинава, Роберт исто така беше пријавен за исчезнат, но по неколкудневна потрага беше пронајден жив и без сериозни последици.
Апел до јавноста
Семејството и надлежните институции апелираат до сите граѓани кои можеби го забележале Роберт или располагаат со каква било информација што би можела да помогне во неговото пронаоѓање, веднаш да ја известат најблиската полициска станица.
Секоја информација може да биде од клучно значење.
