Во Кавадарци полицијата привела две лица по одделни пријави за семејно насилство, информираа од СВР Велес.
Првиот случај се однесува на 48-годишниот С.Ј., кој бил лишен од слобода откако било пријавено дека во семејниот дом физички го нападнал својот 74-годишен татко и му упатувал закани. По интервенцијата, тој бил задржан во полициска станица, а за случајот бил известен јавен обвинител. По целосно документирање, ќе следува соодветна пријава.
Во вториот случај, полицијата го привела и 40-годишниот Ѓ.И., кој според пријавата физички ја нападнал својата 28-годишна поранешна сопруга и ѝ се заканувал. Настанот се случил во неговиот дом, по што веднаш била извршена полициска интервенција.
И тој бил задржан во полициска станица, а надлежниот обвинител е известен. По завршување на постапката, против него ќе биде поднесена соодветна кривична пријава.
Од СВР Велес информираат дека се преземаат сите потребни мерки за расчистување на случаите.
