Македонија се соочува со вистинска епидемија на семејно насилство. Во изминатите 24 часа, полициските станици од Скопје до Прилеп беа преплавени со пријави за брутални напади, закани и болно демнење. Специјалните единици веќе лишија од слобода пет лица кои решиле дека тупаниците се посилни од законот.
Најмладиот насилник, 22-годишниот С.Д. од Скопје, не само што ѝ се заканувал на својата поранешна сопруга во продажен објект, туку и со примена на сила ѝ го грабнал мобилниот телефон. Паралелно, во Гази Баба, една жена (38) заврши зад решетки откако во сопствениот дом физички ја нападнала својата помлада сестра.
Во Тетово е уапсен 30-годишен скопјанец кој со месеци како сенка ја следел својата девојка на секој чекор – од нејзиниот дом до работното место. По серија телефонски закани, полицијата конечно му стави крај на ова болно демнење. Во Кичево, пак, 33-годишен маж е приведен откако брутално ја нападнал својата 30-годишна сопруга.
- Прилеп: 38-годишна жена од долненско пријавила дека нејзиниот поранешен сопруг не се помирил со разделбата и физички ја нападнал.
- Драчево: 59-годишен маж е уапсен откако ја присилил својата вонбрачна партнерка да го напушти заедничкиот дом, оставајќи ја на улица.
