Живот згасна за миг: 17-годишно момче од Кичево загина на мотор

Македонија е во шок по тешката сообраќајна несреќа што се случи вчера попладне во Кичево, на крстосницата меѓу улиците „Борис Кидриќ“ и „Мирко Милески“.

Во несреќата учествувале патнички автомобил „Ауди“ со кичевски регистарски таблички, управуван од 22-годишниот А.Е. од селото Стрелци, и моторцикл марка „Хамачи“, управуван од 17-годишно момче од Кичево.

По силниот удар, младиот моторциклист добил тешки телесни повреди и веднаш бил пренесен кон скопската клиника „Мајка Тереза“. За жал, неговото срце не издржало – им подлегнал на повредите за време на транспортот. Доктор од Итната медицинска помош само ја констатирал смртта.

На местото на трагедијата излегле полициски екипи и јавен обвинител, а по негова наредба ќе биде извршена обдукција на телото на загинатиот.

Овој трагичен случај отвора низа прашања за безбедноста во сообраќајот, особено кога станува збор за младите моторциклисти и несоодветната внимателност на возачите во градските зони.