Инцидент се случил на административниот премин меѓу централна Србија и Косово, откако група српски моторџии не добиле дозвола за влез на територијата на Косово.
По одлуката на косовските власти, на местото се собрале повеќе лица. Според видеоснимките што се појавија, дел од присутните извикувале националистички пароли.
Засега нема информации за посериозно нарушување на јавниот ред и мир, ниту за интервенција на безбедносните служби.
Причините поради кои на групата моторџии не ѝ бил дозволен влез во Косово засега не се официјално објавени.
Извор: Скопје1.мк
