Снимка од жестока вербална расправија меѓу Ана Брнабиќ и група граѓани на улица во Белград се прошири на социјалните мрежи по изборниот пораз на политичката опција на Александар Вучиќ.
Поранешната премиерка на Србија и една од најблиските соработнички на Вучиќ влегла во расправија со двајца мажи, од кои побарала објаснување за навредите што, според неа, претходно ѝ биле упатени.
**„Само кажете ми, бидејќи дојдов тука, сега кажете ми – кој е пи*ка?“**, прашала Брнабиќ еден од мажите, кој во раката држел пиво.
Мажот ѝ возвратил со прашањето: „Кој ти го кажа тоа?“, на што таа одговорила: „Вие двајцата“, покажувајќи кон него и уште едно лице.
Расправијата продолжила, а Брнабиќ почнала да поставува низа прашања.
„И што ќе правиш сега? Што ќе правиш? Сакаш да ме јаваш? Мене? Сакаш да ме тепаш? Сакаш да ме шишаш?“, се слуша како зборува на снимката.
Еден од присутните мажи саркастично ѝ одговорил: „Извинете, ве молам...“, додека таа продолжила да повторува: „Еве ме, еве ме!“
Највпечатливиот момент следувал кога Брнабиќ излегла на средината од коловозот и почнала да им довикува на возачите.
„Газете, бре!“, извикала таа додека стоела на улицата.
Снимката предизвика внимание на социјалните мрежи, особено поради политичката атмосфера во Србија по парламентарните избори и признанието на Вучиќ дека неговата политичка опција претрпела пораз.
Засега во доставениот извештај нема информации дали по расправијата интервенирала полицијата или дали имало други последици од инцидентот.
Видеото стана уште една од снимките што го одбележаа бурниот постизборен период во Србија.
