Утринава во белградската населба Земун се случи шокантен настан што ја вознемири јавноста – бебе старо само седум дена било пронајдено напуштено покрај контејнер.
Случаен минувач кој поминувал во близина го забележал новороденчето и веднаш реагирал – повикал итна медицинска помош, која пристигнала брзо на местото. Екипата од Брза помош веднаш го згрижила бебето и го префрлила во породилиштето во Земун.
Според првичните информации, бебето е живo и во стабилна здравствена состојба, но лекарите ќе продолжат со дополнителни медицински прегледи за да се утврди целосната состојба на детето.
Во моментот сè уште не е познато под кои околности е оставено бебето, а се очекува официјално соопштение од страна на полицијата и Центарот за социјална работа. Истражните органи интензивно работат на случајот за да откријат кој стои зад овој немил настан.
