Белградските елитни ресторани станаа сцена на филмско апсење кое тргна наопаку! Во голема координирана акција на српското МВР и Управата за криминалистичка полиција, уапсена е опасна група изнудувачи поврзани со озлогласениот „Врачарски клан“, но цената на правдата беше висока – двајца полицајци завршија со повреди.
Главниот осомничен, 30-годишниот А.А., подолг период сеел страв меѓу сопствениците на дуќани и ресторани на територијата на Звездара. Неговата тактика била добро позната: влегувал во објектите и нудел лажна заштита токму од „Врачарскиот клан“, барајќи огромни суми пари однапред. Оние кои нема да прифатат, се соочувале со закани и изнуда.
Вистинскиот пресврт се случил за време на легитимирањето во еден угостителски објект. Кога полицијата се обидела да ги изнесе надвор, осомничените пружиле жесток отпор. Во општиот хаос, двајца припадници на полицијата биле физички нападнати и се здобиле со повреди од толпата која одбивала да се предаде.
Она што најмногу ја згрози јавноста е фактот дека покрај четворицата полнолетни насилници, полицијата привела и четири малолетни лица (родени 2008 година). Овие тинејџери биле дел од групата која се поврзува со тешки кривични дела како изнуда и напад врз полицајци.
Осомничените се задржани во притвор, а обвинителството веќе ја подготвува документацијата која ќе ги смести зад решетки на подолг период. Српската полиција порача дека нема да дозволи улични банди да го тероризираат бизнис секторот.
