Македонската кошаркарска репрезентација утре ќе игра нов натпревар од претквалификациите за Евробаскет 2029, на гости против Азербејџан во Баку.
Еден од најистакнатите играчи досега е Андреј Јакимовски, кој на трите досегашни натпревари постигнува просек од 22,7 поени, а против Азербејџан во Скопје забележа 25 поени.
– Го познаваме тимот на Азербејџан и нивните карактеристики. Како и за дуелот со Луксембург, имаме кусо време за подготовка, но очекувам да одиграме добар натпревар и се надевам на победа, изјави Јакимовски.
Натпреварот почнува утре во 17 часот.
