Авиокомпанијата „Бритиш ервејс“ соопшти дека ги откажува сите летови до и од Абу Даби до крајот на 2026 година поради ескалирачкиот конфликт на Блискиот Исток.
Покрај Абу Даби, компанијата објави дека сите летови до и од Аман, Манама, Доха, Дубаи и Тел Авив се откажани до крајот на овој месец.
– Постојано ја следиме ситуацијата и сме во контакт со нашите патници со цел да им понудиме различни опции – соопшти авиокомпанијата.
Исто така, „Бритиш ервејс“ информира дека има ограничен број места на летовите за репатријација од Оман до Лондонскиот аеродром Хитроу, закажани за утре и во четврток.
Откажувањето на летовите доаѓа како последица на војната што ја започнаа САД и Израел против Иран, која предизвика големи ограничувања во воздушниот простор на регионот. Поради заканите од ракети и беспилотни летала, повеќето комерцијални летови се стопирани, а патниците се насочуваат кон приватни авиони или чартер летови за евакуација.
