Проектот за реставрација на винтиџ возот беше откриен оваа година како почит кон ерата на 1950-тите и 1960-тите, кога гламурот и елеганцијата доминирале во железничкиот транспорт.
Патувањето започнува на станицата Остиенсе во Рим, во раскошен салон дизајниран од францускиот архитект Уго Торо, каде што под нозете лежат оригинални мозаици од 20 век. Во салоните се слуша жив џез, а келнерите нудат освежување пред патниците да се качат во вагонот.
Вагони Z1 од 1970-тите и 1980-тите се целосно реновирани и преуредени во стил на ретро коктел салон од дизајнерската фирма Dimorestudio. Возот има 30 кабини – 18 апартмани и 12 луксузни соби, секоја со сопствена бања. Луксузните кабини се малку помали, но функционални, со софи и отомани кои служат како каучи или масички за кафе.
– „Како деца го гледавме ‘Убиство во Ориент Експрес’ и сонувавме да патуваме со тој воз. Сега имаме свој италијански ‘Ориент Експрес’ – Долче Вита, патување полно со емоции и уживање“, рече готвачот на возот.
Проектот е резултат на заеднички инвестиции на италијанската група Арсенале, францускиот Акор и државниот железнички оператор Трениталија. Целта е елегантните вагони да ја промовираат нискојаглеродната мобилност, намалувајќи ја зависноста од авионскиот транспорт, со рути низ Тоскана, Сицилија и Доломитите.
Цените за ова луксузно патување се високи: еднодневната тура започнува од околу 3.500 евра по лице, додека подолгите тури можат да достигнат над 12.000 евра, нудејќи незаборавно искуство за љубителите на гламурот, историјата и раскошниот железнички патувачки стил.
