На 20.03.2026 во 21:15 часот, полициски службеници од СВР Битола го лишија од слобода А.А.(46) од Битола. По претходно добиена наредба од Основен суд Битола, бил извршен претрес во неговиот дом, при што биле пронајдени: бела прашкаста материија, растителна материја, дигитална вага со траги од прашкаста материја и пари.
Неколку минути подоцна, во 21:45 часот, полицијата во Битола лиши од слобода и двајца други осомничени – Д.В.(49) и Н.М.(39), двајцата од Прилеп. При претрес на патничко возило „Сеат“ со скопски регистарски ознаки, управувано од Д.В., а во кое како сопатничка била Н.М., биле пронајдени паковки со грутчеста материја и дигитална вага со траги од истата материја.
По целосно документирање на случаите, против сите тројца ќе бидат поднесени соодветни поднесоци за сторено кривично дело поврзано со дрога.
