Украинскиот претседател Володимир Зеленски остро реагираше на одлуката на САД да ги олеснат санкциите за руската нафта, оценувајќи дека ова не придонесува за завршување на војната и постигнување мир во Украина. На заедничка прес-конференција со францускиот претседател Емануел Макрон, Зеленски посочи дека привремено укинување на санкциите може да ѝ обезбеди на Русија околу 10 милијарди долари, средства што ќе ја зајакнат нејзината војна моќ.
Зеленски исто така предупреди на ефектите од конфликтот на Блискиот Исток. Земјите од Персискиот Залив во рок од неколку дена искористиле повеќе PAC-3 ракети за одбрана од ирански напади отколку што Украина добила од Вашингтон за цели четири години. Тој истакна дека овој нов конфликт го одвлекува вниманието и го влошува недостигот на системи за противвоздушна одбрана, што дополнително го ослабува Киев во неговата борба против Русија.
Порастот на цените на нафтата како последица од конфликтот индиректно ѝ помага на Русија, а Зеленски повика на сигурни и континуирани гаранции за поддршка од западните партнери. Според него, комбинираните ефекти од олеснувањето на санкциите и растечките конфликти на Блискиот Исток ја продлабочуваат кризата и ја оддалечуваат можноста за мир во Украина.
