Треса Мидлтон од Англија како тинејџерка доживеала толку сурови работи што многумина не веруваат дека некогаш ќе успее да се опорави и повторно да води нормален живот.
Нејзината мајка била бездомничка, па оваа девојчица била принудена да престојува во дом за деца без родители. Потоа добила нов дом во Андале, Шкотска, каде што живеела со својот брат.
– Се однесував како 20-годишничка, иако имав само девет години. Почнав да пијам, да се дрогирам и да се дружам со постари лица – раскажала Треса.
На нејзиното тело почнале да се забележуваат промени, а еден семеен пријател се сомневал дека е бремена. Направиле тест и тој бил позитивен.
И покрај сѐ, таа сакала да го роди детето. Силувањето не му го спомнала никому, а по 2 години, кога детето било дадено на посвојување, со ДНК тест било утврдено дека таткото е родениот брат на Треса, кој потоа бил осуден на 4 години затвор за силување.
Оваа несреќна девојка денес има само една желба.
– Се надевам дека еден ден ќе успеам да си ја вратам ќерката! Сакам да знае дека многу ја сакам и сѐ би направила за неа! За мене ќе биде страшен ден кога ќе дознае дека нејзиниот вујко всушност ѝ е и татко. Се надевам дека нема да ми биде лута – изјавила Треса.
