Војната меѓу Соединетите Американски Држави и Иран и формално заврши откако двете држави синоќа „на далечина“ електронски го потпишаа Меморандумот за разбирање. Договорот веднаш стапи на сила, а го потврдија и двете страни, при што американскиот претседател Доналд Трамп го стави својот потпис за време на државната вечера во Франција.
Белата куќа објави снимка од моментот кога американскиот претседател Доналд Трамп го потпиша Меморандумот за време на вечерата со својот француски колега, претседателот Емануел Макрон, во Версајскиот дворец во Франција.
– Ова не беше лесно – изјави Трамп.
Од таму соопштија дека потпишувањето било „на далечина“ и дека Меморандумот за разбирање веќе е стапен на сила.
Потпиша и Иран
Меморандумот за разбирање меѓу Иран и Соединетите Американски Држави двете страни го потпишаа по електронски пат, потврди портпаролот на иранското Министерство за надворешни работи, Есмаил Багаи.
Говорејќи за државната телевизија „Прес ТВ“ (Press TV), Есмаил Багаи наведе дека двете страни и формално електронски го потпишале договорот.
Текстот на договорот меѓу САД и Иран официјално е потпишан од претседателите на двете земји, јавија иранските државни медиуми, повикувајќи се на портпаролот на Министерството за надворешни работи на Иран, Есмаил Багаи.
Соединетите Американски Држави веќе ја објавија и официјалната верзија на договорот со Иран.
