Американскиот претседател Доналд Трамп изрази сериозна закана дека САД можат да се повлечат од НАТО, откако разговорите меѓу Данска, Гренланд и Вашингтон за иднината на Гренланд не донесоа договор. Трамп го оцени островот како „исклучително важен“ за националната безбедност на Соединетите Држави и нагласи дека секое решение без американска контрола е „неприфатливо“, пренесува „Тајм“.
Данската влада реагираше остро, оценувајќи ја изјавата како сериозно несогласување со американската страна. За да се заштити својот суверенитет и интересите во регионот, Данска најави зголемување на военото присуство на и околу Гренланд.
Оваа ескалација ја поттикнува неизвесноста во Арктикот, каде што суверенитетот и стратешките интереси на САД, Данска и другите трансатлантски партнери се клучни за регионалната стабилност. Воените и политичките експерти предупредуваат дека евентуалното повлекување на САД од НАТО би имало сериозни последици за безбедноста на Северна Европа и за балансот на моќта во Арктикот.
Ситуацијата дополнително ги загрижува гренландските жители, кои веќе се соочуваат со неизвесност за иднината на островот и страв од потенцијална дестабилизација на општеството и економијата.
