Руското Министерство за одбрана соопшти дека ракетата „Сојуз-2.1б“ денеска успешно лансирала воен сателит во орбитата од космодромот Плесецк, лоциран во Архангелската област.
Според соопштението, целата операција била спроведена без отстапувања и во согласност со планираната програма.
„Со космичкиот апарат е воспоставена и стабилно се одржува доверлива телеметриска врска. Системот функционира нормално“, информираа од Министерството за одбрана на Руската Федерација.
Лансирањето е извршено во 10:36 часот по локално време, а сателитот е веќе во стабилна орбита и ги извршува планираните технички задачи.
