Администрацијата на претседателот на САД, Доналд Трамп, е подготвена да одобри прва продажба на воена опрема за Украина, откако Министерството за државна безбедност издаде лиценца за извоз на воена опрема и услуги во вредност поголема од 50 милиони долари.
Ова е првпат откако Трамп ја презел функцијата претседател, САД ќе испратат воена помош за Украина, пишува „Гардијан“.
Претседателот на Украина, Володимир Зеленски, го оцени потпишувањето на овој договор како „историски момент“, нагласувајќи дека тој создава можности за значајни инвестиции во Украина.
Договорот за минералите, кој беше потпишан меѓу Украина и САД, ќе формира заеднички фонд за финансирање на нови лиценци за експлоатација на критични минерали, нафта и гас.
Зеленски ги пофали условите на договорот, истакнувајќи дека тие сега се „рамноправни“ и дека им овозможуваат на Украина да избегне „монопол“ на САД на пазарот.
И покрај почетните несогласувања во текот на преговорите, украинските власти сега веруваат дека овој договор ќе им овозможи набавка на клучни воени системи, како што се ракетните системи „Патриот“, кои би можеле да бидат финансирани од фондот за минерали.
