Нова трагедија го погоди фудбалот во Грција. 22-годишен навивач на ПАОК бил смртно избоден во грб од тројца маскирани напаѓачи во населбата Каламарија, Солун.
Според очевидци, момчето веднаш паднало на земја, додека случајни минувачи се обиделе да му дадат прва помош. И покрај напорите на лекарите во болницата, тој починал два и пол часа по нападот.
Полицијата активно трага по тројцата осомничени, додека грчката јавност е во шок од бруталноста на нападот.
